నీకూ నాకూ...

నీకూ నాకూ...
ఈ కాసింత ఎడబాటుండాలి..!
అంతులేని విరహానికీ.!
అందమైన కలలకీ.!
చిన్ని చిన్ని కలతలతలకీ.!
వెచ్చని కన్నీళ్ళకీ.!
తీయని కోపాలకీ.!
ఇంకా...
తాపాలకీ..!
మనమధ్య ఈ కాసింత
ఎడబాటుండాలి

కలలు + కల్పనలు = కాగితాలు
వేకువ జాముల్లో
నన్ను నేను మరిచినప్పుడు
గాఢ సుషుప్తిలో
అలసిన కనుపాపల కింద
కలలొచ్చి నన్ను కావలించుకుంటాయి

సుదూర సాగర సైకత తీరాలకు
వెన్నల కురిసే పచ్చిక బయళ్ళకు
పైరు పచ్చల పల్లె సీమలకు
పిల్లగాలుల మల్లె తోటలకు
సునాయాసంగా నను మోసుకెళతాయి